ಮಳೆ

ಆ ಸಂಜೆ ನನಗಿನ್ನೂ ನೆನಪಿದೆ
ಮನೆಯಂಗಳದಿ ಕೂತಿದ್ದೆ ನಾ
ಮೌನವೇ ಹೆಪ್ಪುಗಟ್ಟಿದಂತೆ
ಜಗತ್ತೇ ಸ್ತಬ್ಧವಾದಂತಿತ್ತು

ಒಣಗಿ ಹೋದ ಗಿಡ ಮರಗಳು
ಬಿರುಕು ಬಿಟ್ಟ ಭೂಮಿ
ಬಾಯಾರಿ ಕಂಗೆಟ್ಟ ಮೃಗ ಪಕ್ಷಿಗಳು
ಒಂದು ಹನಿ ನೀರಿಗಾಗಿ ಹಾತೊರೆಯುತ್ತಿತ್ತು

ಅದೆಲ್ಲೋ ದೂರದಲ್ಲಿ ಕರಿ ಮೋಡದ ಛಾಯೆ
ಗುಡುಗು ಸಿಡಿಲಿನ ಸದ್ದು
ತಂಗಾಳಿ ಬೀಸಿ, ಪರಿಮಳವ ಸೂಸಿ
ಕಗ್ಗತ್ತಲು ಸುತ್ತಲೂ ಆವರಿಸುತ್ತಿತ್ತು

ಮೊದಲ ಮಳೆಯ ಹನಿ ಟಪ್ಪನೆ ಬಿತ್ತಾಗ
ಅದರ ಹಿಂದೆ ಮತ್ತೊಂದು ಮಗದೊಂದು
ವರ್ಷದ ಮೊದಲ ಮಳೆ ಸುರಿಯಲಾರಂಬಿಸಿತ್ತು
ಮಣ್ಣಿನ ಘಮ್ಮನೆಯ ಪರಿಮಳ ಸುತ್ತಲೂ ಹರಡಿತ್ತು.