ಯೋಧನಿಗೆ ನಮನ

ಹೆಜ್ಜೆ ಹೆಜ್ಜೆಯ ಹಾಕಿ ಮುಂದಕೆ

ದೂರ ದೂರಕೆ, ದೇಶದಂಚಿಗೆ

ಸಾಗುತಿರುವ ಓ ವೀರನೆ

ನಿನಗೆ ನನ್ನಯ ಕೋಟಿ ನಮನ

ಹಿಮದ ಬೆಟ್ಟದ ಚಳಿಯ ನಡುವೆ

ಬಿಸಿಲ ಬೇಗೆಯ ಮರಳುಗಾಡ ನಡುವೆ

ದೇಶ ಕಾಯುವ ವೀರ ಯೋಧನೆ

ನಿನಗೆ ನನ್ನಯ ಕೋಟಿ ನಮನ

ನೀಲ ಶರಧಿಯ ದೂರದಂಚಲಿ

ಉಕ್ಕಿ ಬರುವ ಅಲೆಗೆ ಜಗ್ಗದೆ

ಬೀಸು ಗಾಳಿಗೆ ಕುಗ್ಗದ ಯೋಧಗೆ

ನಿನಗೆ ನನ್ನಯ ಕೋಟಿ ನಮನ

ಆಗಸದಲಿ ಜೀಕಿ ಹಾರುತ

ಶತ್ರು ಪಡೆಗಳ ತರಿದು ಹಾಕುತ

ವೈರಿ ಪಡೆಗಳ ಮೆಟ್ಟಿ ನಿಂತ ವೀರನೆ

ನಿನಗೆ ನನ್ನಯ ಕೋಟಿ ನಮನ