Thursday, March 4, 2010

ಬೇಲಿ

ಭಾರತ ಮತ್ತು ಪಾಕಿಸ್ತಾನದ ಮಧ್ಯದಲ್ಲಿರುವ ಬೇಲಿ. ಎಡಗಡೆ ಪಾಕಿಸ್ತಾನ, ಬಲಗಡೆ ಭಾರತ


ಬೇಲಿ ಹಾಕಿರುವೆವು ನಾವು
ಒಂದೇ ನೆಲದ ನಡುವೆ
ಆ ಕಡೆ ನಿನಗೆ, ಈ ಕಡೆ ನನಗೆ
ದಟ್ಟ ಕಾವಲಿನ ನಡುವೆ

ಮರೆತು ಹೋಗಿರುವೆವು ನಾವು
ಒಂದೇ ತಾಯಿಯ ಮಕ್ಕಳೆಂದು
ಒಂದೇ ಮನೆಯ ಒಡೆದಿರುವೆವು
ಬೇಲಿ ಹಾಕಿರುವೆವು ನಾವು

ದ್ವೇಷ ಭಾವಗಳ ಜೊತೆಗೆ
ರಕ್ತ ಪಾತದ ನಡುವೆ
ಮೂಕ ಸಾಕ್ಷಿಯಾಗಿ
ನಿಂತಿಹುದು ಈ ಮುಳ್ಳಿನ ಬೇಲಿ

ಅಣ್ಣ ತಮ್ಮಂದಿರನ್ನು,
ಅಕ್ಕ ತಂಗಿಯರನ್ನು
ಬೇರ್ಪಡಿಸಿಹುದು
ಈ ಕಬ್ಬಿಣದ ತಂತಿಯ ಬೇಲಿ

ನಾವೇಕೆ ಹೀಗೆ?
ಎಂದೆಂದಿಗೂ ಹೀಗೇ ಬಾಳಬೇಕೆ?
ಅಸೂಯೆಯ ನೆರಳಿನಲ್ಲಿ
ಧರ್ಮ ಜಾತಿಯ ಒಡಕಿನಲ್ಲಿ

ಇಬ್ಬರ ರಕ್ತ ಕೆಂಪು ಅಲ್ಲವೇ?
ಇಬ್ಬರೂ ನಿಂತಿರುವುದೂ
ಒಂದೇ ನೆಲದ ಮೇಲಲ್ಲವೇ?
ಆದರೂ ಮಧ್ಯದಲ್ಲಿದೆ ಚುಚ್ಚುವ ಬೇಲಿ

ಮರೆಯೋಣ ಈ ದ್ವೇಷವ
ಹಂಚೋಣ ಸಹೋದರ ಭಾವವ
ಬೇಕಿಲ್ಲ ನಮಗೆ ಈ ರಕ್ತಪಾತ
ಒಂದಾಗಿ ಬಾಳೋಣ, ಚಿರಕಾಲ ಮೆರೆಯೋಣ.






2 comments:

  1. ಸುಂದರ ಕವನ
    ಕೆಳಗಿನ ಸಾಲುಗಳು ಮನ ಮುಟ್ಟುವನ್ತಿವೆ

    ಇಬ್ಬರ ರಕ್ತ ಕೆಂಪು ಅಲ್ಲವೇ?
    ಇಬ್ಬರೂ ನಿಂತಿರುವುದೂ
    ಒಂದೇ ನೆಲದ ಮೇಲಲ್ಲವೇ?
    ಆದರೂ ಮಧ್ಯದಲ್ಲಿದೆ ಚುಚ್ಚುವ ಬೇಲಿ

    ReplyDelete
  2. Really good one. but also can't forget the stupids who cheated our "beloved leader" a decade ago.

    ReplyDelete