ಬರಿಯ ಶಿಲ್ಪವಲ್ಲವಿದು
ಬರಿಯ ಕಲ್ಲ ಹೂವಲ್ಲವಿದು
ಇದೊಂದು ಕಾವ್ಯ
ಶಿಲ್ಪಿಯ ಚಾಣದಲ್ಲರಳಿದ ಕವನ
ಎಲ್ಲಿಯೋ ಬಿದ್ದಿದ್ದ ಕಲ್ಲೊಂದು
ಗಾಳಿ, ಮಳೆಯಡಿಯಿದ್ದ ಬಂಡೆಯೊಂದು
ಸುಂದರ ಶಿಲ್ಪವಾದ ಬಗೆಯಿದು
ಭಗವಂತನ ಸ್ವರೂಪವಾದ ಕಥೆಯಿದು
ಕಾವ್ಯದ ಪದಗಳ ಸುಳಿಯಲ್ಲಿ
ಶಿಲ್ಪದ ಕೆತ್ತನೆಯ ತಿರುವಿನಲ್ಲಿ
ರವಿ ಕಾಣದ್ದು ಕವಿ ಕಂಡರೆ
ಜಗ ಕಾಣದ್ದು ಶಿಲ್ಪಿ ಕಂಡ
ಕವಿಯ ಕಾವ್ಯದ ಅಮೊಘ ಕಲ್ಪನೆ
ಶಿಲ್ಪಿಯ ಶಿಲ್ಪದ ಸುಂದರ ಕೆತ್ತನೆ
ಆನಂದ ನಾಟ್ಯವಿದು
ಶಿಲ್ಪ ಕಾವ್ಯದ ಸುಂದರ ಸಮ್ಮಿಳಿತವಿದು
superb sir
ReplyDelete".. jaga kaanaddu shilpi kanda.." gr8!
ReplyDelete